CPC, CPL, ROAS: reklama ko‘rsatkichlarini qanday o‘qish kerak
Reklama kabinetidagi qisqartmalar ortida nima turadi va qaysi raqam biznesingiz uchun haqiqatan muhim — oddiy tilda tushuntiramiz.
Reklama kabineti o‘nlab ko‘rsatkich ko‘rsatadi. Ularning hammasini kuzatish shart emas, lekin quyidagi beshtasini tushunish kerak.
CPM — 1000 ta ko‘rsatish narxi
Auditoriyaga yetib borish qanchalik qimmatligini bildiradi. CPM yuqori bo‘lsa, auditoriya juda tor yoki raqobat kuchli.
CTR — bosish ulushi
Reklamaning qiziqarliligini o‘lchaydi. Kreativ va taklif sifatining birinchi indikatori.
CPC — bitta bosish narxi
CPM va CTR'ning natijasi. CTR oshsa, CPC odatda arzonlashadi.
CPL — bitta murojaat narxi
Biznes uchun eng tushunarli raqam: bitta potensial mijoz necha pulga tushdi. Uni sotuv narxi va marja bilan solishtiring.
ROAS — reklama daromadi
Har bir sarflangan $1 ga qancha daromad kelganini ko‘rsatadi. ROAS = daromad ÷ reklama xarajati. Masalan, $500 sarflab $2 500 sotuv qilsangiz, ROAS 5x.
Qaysi biriga qarash kerak?
Arzon bosish yoki ko‘p layk maqsad emas. Asosiy savol: bitta mijoz qanchaga tushyapti va u qancha daromad keltiryapti? Shuning uchun men hisobotlarda avvalo CPL va ROAS'ni, qolganlarini esa sababini topish uchun ko‘rsataman.